青年使命團 — 香港屯門 (YWAM) 是一個透過話劇表演傳揚福音及關心弱勢社群的基督教機構，他們也會派發食物及日用物品，還有SHINE事工關心被社會忽略的一群 —「執紙皮者」。
早前教會一班年青兄姊就去YWAM服侍，大衛組曾經去製作工作袋給執紙皮者，2月18日又去幫忙盤點。一個月後，撒母耳團年也去派工作袋給執紙皮者。以下係他們嘅感受 :
嘉揚:
Youth With A Mission - YWAM (Tuen Mun) 是一個主力服事屯門區貧窮人士的團體。它可供參與的服侍種類繁多，有可以接觸社區的派發物資活動，亦有整理它的食物銀行服事和包裝物資包。我們小組比較內斂，所以選擇了不需要接觸社區的兩個服事。
其中最令我深刻的是 “口罩包裝”。我們除了要包裝口罩外，還要在口罩袋外寫上“主耶穌愛你”，再一次提醒自己耶穌愛我們每一個，不論貧富。
另一個印象深刻的地方是YWAM (Tuen Mun) 同工的多元性。除了本地的，也有來自韓國和東南亞地方的同工。她們盡管語言不通，也會通過分發物資和有限的語言盡力表達對街坊的關愛，不分國界的關愛令人動容。
天兒:
好開心可以接觸到一個新機構。雖然這兩次服事都是幫手做幕後的預備工作，但都感受到上帝對我們的愛是不分年紀、不分國籍；感恩有這個機會，上帝藉我們的手祝福其他人。
軍宇:
好鍾意推嗰架手推車，嗰個回收站唔係想像中咁污糟，附近有很多貨車經過，有點嘈吵。啲人收到禮物好開心！今次係好充實的活動。
旭旭: 原來要執好多紙皮先得好少錢，同埋咁熱，都真係好辛苦!
超超: 都好鍾意推嗰架手推車!
麗琦:
會推介給撒母耳團友要來做義工，有非物質嘅開心，係心靈嘅快樂，睇到收物品嘅人開心，佢好開心。
Mody:
卓雯越嚟越大膽，勇敢、積極接觸執紙皮者，起初有啲怕醜，後期就無啦，仲積極關心佢哋。
主任:
欣賞超超叫佢快啲攞個袋畀執紙皮者，飲緊水都停落嚟，即刻動手，非常欣賞。而且見我點樣同人講，送出工作袋，睇咗兩次，佢就自己去講啦! 勇呀!
麗琦都好留心觀察，立即偷師! 有個執紙皮者唔敢要我哋嘅工作袋，我就打開個袋畀佢知道裏面係乜嘢，之後就放心攞啦。麗琦之後多數打開個袋畀人睇，佢哋就開心接受呢份禮物!
文宗:
啲人認得阿Jen (YWAM 加拿大籍同工)，應該是YWAM做得很好，認得佢。本來好像不太起眼的一個袋，原來對收的人嚟講很有意義，仲有人話個袋好好用。
Jen :
佢嗰隊去到一間大廈派工作袋，準備搭電梯的時候有一個姐姐跑來，送咗一梳蕉畀佢，佢好感動，因為一梳蕉要賣兩車紙皮先夠錢買姐姐竟然願意送畀佢。而且，佢知道中國人送食物俾人係表示愛。佢好感動! 因為佢哋知道有人愛佢哋，更加識得去愛人。希望多啲人執紙皮者知道有人愛佢哋，而且有個神愛佢哋。 多啲人出去派工作袋，關心執紙皮者，就更加多執紙皮者得到關心和愛。關心人令我地有勇氣克服怕羞。
韓國姊妹就話因為我哋嘅義工講廣東話，問嗰啲執紙皮者身體邊度唔舒服？從而知道原來手指公位置的關節同埋膝頭哥關節痛，第日識得為呢班人祈禱。
總共派咗44個袋。
一切感謝神!!!!!
Comments